Ассалому алайкум, матбуот анжуманига ташриф буюрган азиз меҳмонлар, ҳурматли оммавий ахборот воситалари вакиллари!!!

Сизлар билан навбатдаги тадбирда кўришиб турганимиздан бағоят ҳурсандмиз!!!

Фурсатдан фойдаланиб барчангизни яқинлашиб келаётган Бош Қомусимиз – Конституциямиз қабул қилинганининг 26 йиллиги билан чин қалбдан табриклайман! Самимият билан Сизга ва яқинларингизга аъло кайфият ва мустаҳкам соғлиқ, хонадонингизга файзу-барака ва хотиржамлик, ишларингизда янгидан-янги ютуқлар тилайман!

Хабарингиз бор, 2017 йил 9 октябрда Ўзбекистон Республикаси Президентининг ПҚ-3317-сонли «Кафолат суғурта компанияси» АЖ фаолиятини такомиллаштириш чора-тадбирлари тўғрисида»ги қарори қабул қилинган. Бугунги учрашувимиз ушбу Қарорнинг бажарилиши холати мавзусига бағишланади.  

Компания, 21 йилдан ошди, Ўзбекистон суғурта бозорида 100 дан ортиқ мажбурий ва ихтиёрий суғурта хизматларини  таклиф этган холда, етакчи ўринларни эгалламоқда. Компаниянинг бутун Республика бўйлаб минтақавий тармоғи 216 та филиал, суғурта бўлимлари ва суғурта марказларини ташкил этади.

 «Кафолат суғурта компанияси» АЖ томонидан кўрсатилаётган суғурта хизматлари сифати ва кўламини ошириш, кўрсатилаётган хизмат учун тўловларни қабул қилишда замонавий тўлов тизимларини амалиётга киритиш бўйича қулайликлар жорий этилмоқда.

Жумладан суғурта қилдирувчиларга янада қулайлик яратиш мақсадида компания билан агентлик келишуви асосида ҳамкорлик қилаётган ва суғурта хизматларини таклиф этаётган суғурта агентлари учун хизмат гувохномалари янги шаклда ишлаб чиқилди.

Компания томонидан сохани оптималлаштиришга, келиб тушаётган даъво аризаларини оператив тарзда кўриб чиқиб, суғурта қопламаларини тез вақт оралиғида тўлашга, аҳоли ўртасида суғурта маданиятини оширишга катта эътибор қаратилади.

Хусусан, мижозларга қулайликлар яратиш ҳамда 3317-сонли Президент Қарори ижросини таъминлаш мақсадида 2018 йил 1 ярим йилликда «My assist» ассистанс хизмати фаолияти ишга туширилди. Ассистанс хизматининг асосий вазифалари - суғурта хизматлари, суғурта қопламаларини амалга ошириш тартиби, ихтиёрий тиббий суғурта полиси бўйича барча мурожаат ва сўровларни куну-тун қабул қилиш, тиббий маслаҳатлар, амбулатор ва стационар ёрдам ташкил этиш, суғурта ходисаси рўй берган жойнинг ўзида тез тиббий ёрдам кўрсатишни ташкил этиш, суғурталовчиларга ахборот кўмак беришдан иборат.

Юқоридаги Президент Қарорида белгиланган топшириқ ва вазифаларнинг ижросини таъминлаш ҳамда юридик ва жисмоний шахсларга янада қулайликлар яратиш мақсадида компания ягона таъсислигида бевосита ҳаётни суғурта қилиш билан шуғулланувчи «Каfolat Hayot» суғурта компанияси ташкил этилди. «Каfolat Hayot» МЧЖ СКнинг асосий хизмат тури - ҳаётни узоқ муддатга суғурта қилишдир

Компанияда туну-кун ишловчи, мурожаатларни қабул қилувчи call центр мавжуд бўлиб, мижозларга тўловларни амалга оширишда оперативлик таъминланмоқда.

«SAIPRO»  ахборот-рейтинг агентлиги 2017 йил якунларига кўра «KAFOLAT sug`urta kompaniyasi» AJ нинг «uzA++» (энг юқори молиявий кўрсаткич) рейтингини тасдиқлади.

Fitch ratings Халқаро рейтинг агентлиги компаниянинг халқаро молиявий рейтингини «барқарор» истиқболи билан В+ даражасида тасдиқлади.

Рейтингларнинг тасдиқланиши  компания учун янги маҳаллий ва хорижий инвестицияларни жалб этиш, халқаро молия институтлари билан истиқболли ҳамкорлик алоқалари кўламини янада кенгайтиришга имкон яратади.

Юқорида қайд этилган ишларнинг барчаси халқимизга, фуқароларимизга шароитлар яратиш, тадбиркорларимизни турли йўқотиш ва зарар кўриш рискларидан ҳимоялаш, бахтсиз ходиса ёки нохуш холат юз берганида уларнинг моддий манфаатини ҳимоя қилишдан иборатдир.......

 Тадбирда компания  раҳбарияти ҳамда масъул ходимлари иштирок этмоқдалар. Барча саволларингиз бўйича аввало ўзим, қолаверса ўринбосарларим – Равшан Зикруллаевич, Валентина Григорьевна ҳамда компания суғурта бўйича директори - Акром Ғойиббоевич ва масъул мутахассислар жавоб беришга тайёрмиз.