Asosiy menu

19.04.2019 - «KAFOLAT sug`urta kompaniyasi» AJ раҳбарияти томонидан навбатдаги сайёр учрашув ўтказилди >>> | 18.04.2019 - Автосуғурта ҳақида батафсил! >>> | 15.04.2019 - «KAFOLAT sug`urta kompaniyasi» AJ раҳбарияти Хоразм вилоятида сайёр учрашув ўтказди >>>

2019 йил 30 январда ОАВ вакиллари учун ўтказилган " Ўзбекистон Республикаси Президенти томонидан 2017 йил 9 октябрда қабул қилинган 3317-сонли “Кафолат суғурта компанияси” акциядорлик жамияти фаолиятини такомиллаштириш чора-тадбирлари тўғрисида”ги Қарорн

Ассалому алайкум  матбуот анжуманига ташриф буюрган азиз меҳмонлар, ҳурматли оммавий ахборот воситалари вакиллари!!!

Сизлар билан навбатдаги тадбирда кўришиб турганимиздан бағоят ҳурсандмиз!!!

Замонавий суғурта бозори инфратузилмасини ривожлантириш республика суғурта бозорининг барча иштирокчиларидан фаолият соҳасининг хамма йўналишларида, халқаро стандартларга жавоб берадиган замонавий суғурта маҳсулотларини ишлаб чиқиш босқичидан тортиб, юқори даражадаги хизмат кўрсатиш ва аҳолининг суғурта тизимига нисбатан ишончини оширишгача бўлган фаолият самарадорлигини оширишни талаб этади.

Бугунги кунда Ўзбекистон суғурта бозорида турли мулкчилик шаклидаги 30 та суғурта компанияси  фаолият кўрсатиб келмоқда, шундан 6 та суғурта компанияси ҳаёт суғурта соҳасида, қолган 24 та компания умумий суғурталаш тармоғида фаолият юритмоқда.

«KAFOLAT sug'urta kompaniyasi» AJ 1997 йил 14 мартда Ўзбекистон Республикаси Вазирлар Маҳкамасининг 144-сонли махсус Қарорига асосан ташкил этилган бўлиб, умумий суғурталаш тармоғида фаолият юритаётган йирик суғурта компанияларидан бири ҳисобланади. Тузилаётган суғурта шартномалари, ҳудудий бўлинмалари географияси ва суғурта мукофотлари тушуми бўйича етакчи ўринларни эгаллаб келмоқда.

Компания 100 дан ортиқ мажбурий ва ихтиёрий суғурта хизматларини таклиф этади, устав капитали дастлаб ташкил этилган вақтда 500,0 млн. сўмни ташкил этган бўлса, хозирги кунда 33,6 млрд. сўмга тенг. 

Хабарингиз бор, 2017 йил 9 октябрда Ўзбекистон Республикаси Президентининг ПҚ-3317-сонли «Кафолат суғурта компанияси» АЖ фаолиятини такомиллаштириш чора-тадбирлари тўғрисида»ги қарори қабул қилинган.

Қарор ижросини таъминлаш мақсадида компания Ўзбекистон суғурта бозорига 2 та янги суғурта бозорининг профессионал иштирокчиларини олиб кирди:

- 2018 йил 24 апрелда «KAFOLAT sug'urta kompaniyasi» AJ таъсислигида «My ASSIST» масъулияти чекланган жамияти ташкил этилди;

- 2018 йил 1 декабрдан эса бевосита ҳаётни суғурта қилиш билан шуғулланувчи «Kafolat hayot» суғурта компанияси масъулияти чекланган жамияти иш бошлади.

Компания томонидан худудларни ижтимоий - иқтисодий ривожлантириш дастурларида фаол иштирок этилди. Ўзбекистон савдо-саноат палатаси, Ўзбекистон Фавқулодда вазиятлар вазирлиги, Ёшлар иттифоқи, Маҳалла ва Нуроний жамғармалари, Соғлиқни сақлаш вазирлиги, Халқ таълими вазирлиги, Олий ва ўрта махсус таълим вазирлиги, Ўзбекистон миллий телерадиокомпанияси ва бошқа вазирлик, идоралар билан ҳамкорликда  ҳудудларда 295, 0 мингга яқин учрашувлар, семинарлар ташкил этилди, 37,2 млрд. сўм суғурта мукофотлари йиғилди. .

Ўзбекистон суғурта хизматлари жаҳон суғурта бозорига кириб суғурта экспортини таъминлашда муҳим роль ўйнади. 2018 йилнинг ўзида «KAFOLAT sug'urta kompaniyasi» AJ томонидан 1,0 млн. АҚШ долларидан ортиқ суғурта хизматлари экспорт қилинди.

2018 йил мобайнида компанияга Жахон банки, Осиё тараққиёт банки, Европа тикланиш ва тараққиёт банки (ЕТТБ) каби дунёнинг нуфузли ташкилотлари вакиллари, бундан ташқари Хитой Халқ Республикаси экспертлари ва бошқа чет эл ташкилотлари вакиллари ташриф буюрди ва компания фаолиятига катта қизиқиш билдирди.

Ўз ўрнида Компаниямиз ҳодимлари суғурта йўналишида етакчи бўлган мамлакатлар - Япония, Германия, суғуртанинг маркази бўлган Лондонда малака ошириб қайтишди. Бундан ташқари, қўшни Қозоғистон, Россия, Бирлашган Араб Амирликлари каби давлатларида ўтказилган Ҳалқаро форумлар,  анжуманлар, бизнес учрашувларида иштирок этиб 100 ортиқ суғурта ташкилотлари билан алоқалар ўрнатилди. Буюк Британия, Польша, Панама, Жанубий Корея, Ҳиндистон, БАА ва Россия суғурта ва қайта суғурта компаниялари билан ҳамкорлик шартномалари имзоланди.

Компаниянинг асосий эътибори компаниянинг ҳудудий филиалларини ривожлантиришга, хизмат кўрсатишнинг инновацион усулларини ҳудудлар кесимида қўллашга, филиалларнинг моддий-техник базасини такомиллаштиришга, ишчи-ходимлар меҳнатига ҳақ тўлашнинг оптимал усулларини жорий этишга қаратилган. Натижада, 2016 йилда компанияда йиғилган суғурта мукофотларининг 60,7 фоизи ҳудудий филиаллар томонидан таъминланган бўлса, 2017 йилда бу кўрсаткич 67,5 фоизни ташкил этди. 2018 йилда йиғилган суғурта мукофотларининг 85,3 фоизи ҳудудий филиалларимиз ҳиссасига тўғри келмоқда. Ҳудудларда йиғилаётган суғурта мукофотлари тушуми ўтган йилга нисбатан 150,0 фоиздан юқорини ташкил этди.

Ҳурматли анжуман иштирокчилари, бугунги учрашувимизда Ўзбекистон Республикаси Президентининг 2017 йил 9 октябрдаги «Кафолат суғурта компанияси» акциядорлик жамияти фаолиятини такомиллаштириш чора-тадбирлари тўғрисида»ги Қарори ижросининг ҳолати айнан ҳудудий филиалларимизда қандай кечаётгани ҳақида Сизлар билан фикр бўлишмоқчимиз.

Хозир анжуман мавзуси юзасидан «KAFOLAT sug'urta kompaniyasi» AJ Андижон вилояти филиали раҳбари – Абдужаминов Шерзод Толкинович маълумот берадилар. Марҳамат Шерзод Толкинович ........

Шерзод Толкинович рахмат. Кейинги сўз навбати компания Наманган вилояти филиали директори – Акбаржон Абдубоситович Ғаниевга......

Марҳамат Акбаржон Абдубоситович.......               

Акбаржон Абдубоситович раҳмат.....

Ҳурматли журналистлар, тадбирда компания  раҳбарияти ҳамда масъул ходимлари иштирок этмоқдалар. Барча саволларингиз бўйича аввало ўзим, қолаверса ўринбосарларим – Равшан Зикруллаевич, Валентина Григорьевна ҳамда компания суғурта бўйича директори - Акром Ғойиббоевич ва масъул мутахассислар жавоб беришга тайёрмиз, марҳамат саволларингиз бўлса.........

Бугунги тадбирга келганингиз учун барчангизга миннатдорлик билдираман, ўйлайман, матбуот анжуманимиз қизиқарли ва махсулли ўтиб, суғурта сохасининг ушбу йўналишидаги долзарб масалалари кенг ёритилади.

          Эътиборингиз учун рахмат!


Биз билан боғланиш -->