Asosiy menu

12.10.2018 - “КАФОЛАТ суғурта компанияси” АЖ Тошкент Молия институти талабалари учун семинар ўтказди >>> | 09.10.2018 - "Кафолат суғурта компанияси" да "Fitch Ratings" халқаро рейтинг агентлиги таҳлилчилари билан учрашув бўлиб ўтди >>> | 09.10.2018 - "Кафолат суғурта компанияси" АЖ Хитой Халқ Республикаси делегациясини қабул қилди >>>

“Кафолат суғурта компанияси” АЖ раҳбариятининг навбатдаги сайёр қабули Навоий вилоятида қилинган маърузаси.

Ассалому алайкум, ҳурматли  йиғилиш қатнашчилари !

Бугун «Кафолат суғурта компанияси» АЖ раҳбариятининг навбатдаги сайёр қабулида сизлар билан кўришиб турганимиздан ҳурсандмиз, вақт ажратиб йиғилишга келганларингиз учун миннатдорлик билдираман.
 Дастлаб, «Кафолат суғурта компанияси» АЖ тўғрисида қисқача маълумот бериб ўтсам. Компания Вазирлар Маҳкамасининг 1997 йил 14 мартдаги 144-сонли Қарори асосида ташкил этилган. 
Компания мана 20 йилдан ошди Ўзбекистон Республикаси Молия вазирлиги томонидан рухсат этилган барча 17 та класс доирасида 100 дан ортиқ ихтиёрий ва мажбурий шаклдаги суғурта хизматларини таклиф этиб келмоқда.
«Кафолат суғурта компанияси» АЖ давлат улуши устувор бўлган акциядорлик жамияти ҳисобланиб, унинг акциядорлари 600 дан ортиқ жисмоний ва юридик шахслардан иборат, шулар қаторида Навоий кон металлургия комбинати ҳам компаниямиз акциядори эканлигини шараф билан қайд этмоқчиман.  
Компания бутун Республика бўйича кенг минтақавий тармоққа эга. Ҳозирги кунда ўз таркибига 15 та филиал, 48 та бўлим ва 141 та суғурта марказини бирлаштирган ҳудудий бўлинмалар умумий сони 204 тага етказилди. 
Навоий вилоятида Компания филиали аппаратидан ташқари, 2 та бўлим ва 6 та суғурта маркази фаолият кўрсатиб келмоқда. Ҳозирда вилоятнинг Навбаҳор туманида суғурта марказини очиш ишлари амалга оширилмоқда, шунингдек Томди туманида суғурта марказини ташкил этиш режалаштирилган.
Ўтган 2017 йил «Халқ билан мулоқот ва  инсон манфаатлари йили» деб эълон қилиниб, бунда давлат органларининг фуқаролар билан ўзаро муносабат ўрнатилари таъкидланди. 
Бу борада аҳоли билан доимий мулоқот қилиш, уларни қийнаётган муаммоларни ҳал этишнинг янги механизмлари ва самарали усулларини жорий этиш даркорлиги таъкидлаб ўтилди.
Шу муносабат билан Ўзбекистон Республикаси «Жисмоний ва юридик шахсларнинг мурожаатлари тўғрисида»ги Қонуни 2016 йил 11 сентябрида янги таҳрирда тасдиқланди. Қонунда Ўзбекистон Республикаси Президентининг Халқ қабулхоналари ва Виртуал қабулхонаси, уларнинг асосий вазифалари, ҳуқуқ ва мажбуриятлари белгилаб қўйилди. 
Бу борада «Кафолат суғурта компанияси» АЖ тизимида қонуннинг ижросини таъминлаш бўйича алоҳида Низом тасдиқланди. Шунингдек, Ўзбекистон Республикаси Президентининг Виртуал қабулхонаси орқали келиб тушадиган мурожаатлар билан ишловчи Ишчи гуруҳ ташкил қилинган. Мазкур Ишчи гуруҳ барча мурожаатларга тезкор равишда тўлиқ ва қониқарли жавоб бериб келмоқда.
Шу ўринда компаниядаги ишлар тўғрисида ахборот бериб ўтсам. Суғурта хизматларини кўрсатиш, уларнинг сифатини яхшилаш мақсадида компаниянинг ички локал тармоғида («Kafolat online» АМТ), суғурта ходисаси рўй бергани тўғрисида келиб тушаётган аризаларни белгиланган муддатда кўриб чиқиш масъул ходимлар тарафидан «online» тарзда кузатилиб, назорат қилиб борувчи алоҳида блок фаолияти йўлга қўйилган.
Шунингдек, компания Бошқаруви раисининг виртуал қабулхонаси pp.kafolat.uz ишга туширилган. Бугунга келиб, компания фаолиятига оид масалалар юзасидан ушбу виртуал қабулхонага тўғридан-тўғри мурожаат этиш мумкин. 
Бундан ташқари, Компанияда (+998 71) 202-20-02 рақамли «Call centre», яъни мурожаатларни қабул қилиш операторлик хизмати ташкил этилган бўлиб, ушбу хизмат суткада 24 соат телефон орқали мурожаатларни қабул қилади ва тезкор равишда жавоб беради. 
Вилоят филиалларига келиб тушаётган мурожаатлар ҳолатини назорат қилиб бориш мақсадида ойлик мониторинг йўлга қўйилган бўлиб, мониторинг натижалари Бошқарувнинг  масъул ходимлари томонидан таҳлил қилиб борилади. Унинг натижалари, умумлаштирилиб компаниянинг ҳар чоракда ўтказиладиган кенгайтирилган мажлисларда филиаллар раҳбарлари иштирокида кўриб чиқилади.
Шу ўринда қисқача рақамларга тўҳталиб ўтсак, 2017 йилда  Компания тизимида жисмоний ва юридик шахслардан (суғурта даъволаридан ташқари) жами 512  та мурожаатлар келиб тушган. Шундан 125 таси молиялаштириш масалалари, 229 таси меҳнат стажи бўйича, 14 таси қурилиш масалалари, 62 таси ишга жойлаштириш масалалари, 82 таси умумий масалалар бўйича мурожаатлар келиб тушган. 
Компаниянинг Навоий вилояти филиалига 2017 йилда 362 та мурожаат келиб тушган бўлиб шундан 67 таси меҳнат муносабатлари бўйича, қолган 295 таси умумий масалалар бўйича мурожаатлардан ташкил топган. Мурожаатларга Ўзбекистон Республикаси «Жисмоний ва юридик шахсларнинг мурожаатлари тўғрисида»ги Қонуни талаблари доирасида муддатида жавоблар йўлланган.

Ҳурматли мажлис иштирокчилари, ўзингиз гувоҳи бўлиб турибсиз, хозирги кунни кеча билан солиштириб бўлмайди, кундан кунга аҳолининг, халқнинг манфаати, фаровонлиги йўлидаги ўзгаришлар, янгиланишлар талайгина. Муҳтарам Президентимиз томонидан барча сохалар, вазирлик ва идораларнинг вазифалари ва фаолият йўналишлари қайта кўриб чиқилмоқда. Суғурта сохаси ҳам истисно эмас.
Шу маънода, 2017 йил 9 октябрда Ўзбекистон Республикаси Президентининг «Кафолат суғурта компанияси» АЖ фаолиятини такомиллаштириш чора-тадбирлари тўғрисида» ги ПҚ- 3317-сонли Қарори қабул қилинди. Қарор билан компания олдига бир қатор вазифалар белгилаб берилди ва ушбу вазифалар бўйича ҳозирги кунда бутун Республикамиз бўйлаб кенг кўламли ишлар амалга оширилмоқда.
Юқорида айтиб ўтганимдек, Навоий вилоятида ҳудудий бўлинмалар тармоғи ташкил этилган бўлиб, улар нима беради ёки суғуртанинг аҳамияти нимада деган саволларга қисқача тўхталиб ўтсам. Вилоят туманларида суғурта бўлинмаларини ташкил этиш билан биринчи навбатда шаҳар/туман иқтисодиётини мустаҳкамлаш, уни ривожлантириш, қолаверса  ўша туманда янги иш ўринларини яратилишига ва энг муҳими - аҳоли ўзига тегишли мол-мулкини, ҳаёти ва соғлиғини, тадбиркорлик субъектлари эса ўз фаолиятини суғурта ҳимоясига топшириб, кутилмаганда рўй берган нохуш ҳодисадан осонроқ чиқиб олишида иқтисодий кўмак берувчи манбаа бўлиб хизмат қилади.
Бу нимани англатади? Масалан компанияда «Аҳолини бахтсиз ҳодисалардан ва юқумли касалликлардан суғурталаш» тури мавжуд, бунда битта суғурта полиси ичида ўзингизни ёки яқинларингизни ҳам бахтсиз ҳодисадан суғурта қилдирасиз, ҳам юқумли касалликлардан суғурта қилдиришингиз мумкин. 3 000 000 сўмга суғурта қилдирсангиз 12 000 сўм суғурта мукофоти тўланади, бир йил давомида бахтсиз ходиса содир бўлса ёки юқумли инфекцион касалликка чалинсангиз (айниқса кўп учрайдиган сариқ касаллиги, болаларда кўп учрайдиган сув чечак (ветрянка) касаллиги), компанияга ариза билан мурожаат этиб тиббиёт муассасасидан касалликни тасдиқловчи маълумотномалар тақдим этилса компания албатта суғурта қопламасини тўлаб беради.
Ёки уй-жойингиз, мулкингизни суғурта қилдиришингиз мумкин, айниқса сел, тошқин ёки бошқа табиий офатлар содир бўладиган ҳудудларда жойлашган иморатларингизни суғурта қилдиринг. Атига 5000 сўмга уйингизни 3 000 000 сўмга суғурта қилдирсангиз бўлади....
Ёки тадбиркорлик фаолиятини суғурталаш бўйича - ..............

Компанияда 2016-2017 йилларда амалга оширилган суғурта қопламалари  бўйича:
Компанияда 2016 йил давомида 8263 та суғурта даъвоси ҳужжатлари бўйича жами 17,5 млрд. сўм суғурта қопламаси амалга оширилган, бу компания томонидан йиғилган суғурта мукофотининг 23,3 фоизига тўғри келмоқда. 
Шу ўринда Навоий вилояти филиали томонидан 2016 йил давомида 248 та суғурта даъвоси ҳужжатлари кўриб чиқилиб, натижада 130,9 млн.сўм суғурта қопламалари тўлаб берилган.
2017 йилда суғурта қилдирувчилар томонидан келиб тушган 8 338 та суғурта даъвоси ҳужжати бўйича жами 24,6 млрд. сўм суғурта қопламаси тўлаб берилди. Бу 2016 йилга нисбатан 140 фоизни ташкил этмоқда. 
Шу ўринда Навоий вилоят филиали томонидан 267 та суғурта даъвоси мурожаатига 214,9 млн. сўм суғурта қопламаси тўлаб берилган.
 
Хабарингиз бор, 2017 йилнинг 22 декабрь куни Ўзбекистон Республикаси Олий Мажлиси палаталарининг қўшма йиғилишида муҳтарам Президентимиз Шавкат Миромонович Мирзиёев иштирок этиб, Парламент вакилларига 2017 йилда республикада амалга оширилган асосий ишлар ва Ўзбекистон Республикасини 2018 йилда ижтимоий-иқтисодий ривожлантиришнинг энг устувор йўналишларига бағишланган дастурий маъруза, яъни Мурожаатнома билан Мустақил Ўзбекистон тарихида илк маротаба чиқиш қилди. Мурожаатда илгари сурилган барча фикрлар, ғоялар, ташаббуслар ягона эзгу мақсад – ҳалқимиз учун фаровон турмуш шароити яратиш, юртимизни ҳар томонлама тараққий эттиришга йўналтирилгани билан жуда аҳамиятли бўлди. 
Бу борада – Мухтарам Президентимиз «Фаол тадбиркорлик бизнес фаолиятини инновацион, яъни, замонавий ёндашувлар, илғор технология ва бошқарув усуллари асосида ташкил этадиган иқтисодий йўналишдир. Фаол тадбиркор, деганда, рақобатбардош маҳсулот ишлаб чиқаришга қодир, энг муҳими, янги иш ўринлари яратиб, нафақат ўзини ва оиласини боқадиган, балки бутун жамиятга наф келтирадиган ишбилармон инсонлар тушунилади» деб таъкидлаб ўтдилар.
Шу билан бирга Президентимиз 2018 йилни Ўзбекистонда «Фаол тадбиркорлик, инновацион ғоялар ва технологияларни қўллаб-қувватлаш йили» деб эълон қилганлиги муносабати билан ҳамда Президент мурожаатномасидаги мақсадларни тўлиқ ва самарали амалга ошириш мақсадида Компанияда бир қатор янги суғурта қоидалари ишлаб чиқилди. Булардан, Тадбиркорлар ишлаб чиқараётган инновацион маҳсулотлар ва хизматлар жавобгарлигини суғурталаш, Божхона тўловларини амалга ошириш бўйича божхона ташувчиларининг фуқаролик жавобгарлигини суғурта қилиш, Менежерларнинг фуқаролик жавобгарлигини суғурта қилиш бўйича суғурта қоидалари ишлаб чиқилди. Ушбу суғурта қоидалари бўйича тадбиркорлар, менежерлар ва божхона ташувчилари ўзларининг фуқаролик жавобгарлигини учинчи шахслар олдида суғурта қилишлари мумкин.
Компаниянинг 100 дан ортиқ ихтиёрий ва мажбурий шаклдаги суғурта хизматларидан фойдаланишингизни сўрайман. Бу борада Компанияга онлайн тарзда, мобил илова орқали ёки тўғридан-тўғри суғурта марказларига мурожаат қилишингиз мумкин. Шу билан бирга, (+998 71) 202-2002 рақамли «Call centre», яъни мурожаатларни қабул қилиш операторлик хизмати орқали боғлансангиз ҳам бўлади.
Эътиборингиз учун рахмат!
Саволларингиз бўлса, марҳамат, бемалол беришингиз мумкин, ўзим, қолаверса, компания мутахассислари ҳам иштирок этмоқда, жавоб беришга харакат қиламиз.

Биз билан боғланиш -->