Asosiy menu

20.01.2022 - Кредит олувчини бахтсиз ҳодисалардан суғурталаш >>> | 17.01.2022 - Суғурта Сизнинг фаровонлигингиз ва манфаатингиз учун хизмат қилади >>> | 14.01.2022 - Қадрли ватан ҳимоячилари! >>>

ЙТҲ Хабарномасини юклаб олиш

ЙТҲ тўғрисида хабарнома расмийлаштирган ҳайдовчилар маъмурий жавобгарликка тортилмайди


    Қонун ҳужжатларига киритилган қўшимчаларга кўра, ҳайдовчилар йўл-транспорт ҳодисаси тўғрисида хабарнома расмийлаштирган тақдирда улар маъмурий жавобгарликка тортилмайди. Маъмурий жавобгарлик тўғрисидаги кодекснинг тегишли моддасига ҳам ўзгартиш киритилди.

     «Транспорт воситалари эгаларининг фуқаролик жавобгарлигини мажбурий суғурта қилиш тўғрисида"ги қонунга қўшимчалар киритилган. Унга мувофиқ, йўл-транспорт ҳодисаси тўғрисидаги хабарномани тузиш асослари белгилаб берилаяпти.

     Йўл-транспорт ҳодисаси тўғрисидаги хабарнома — содир этилган йўл-транспорт ҳодисаси ҳақида суғурталовчига хабар бериш учун ҳодиса содир этилган жойда унда иштирок этган ҳайдовчилар томонидан ихтиёрий равишда тўлдириладиган, транспорт воситалари эгаларининг фуқаролик жавобгарлиги вужудга келганлиги фактини тасдиқловчи ҳужжат ҳисобланади.

      Хабарнома ЙТҲда иштирок этган ҳайдовчилар томонидан ички ишлар органи ходимларининг иштирокисиз тузилади.

     Қонун билан ҳайдовчилар томонидан хабарномани расмийлаштириш маъмурий жавобгарликка тортилишни истисно этувчи ҳолат этиб белгиланди.

     Хусусан, Маъмурий жавобгарлик тўғрисидаги кодекснинг 133-моддасига киритилган ўзгартиришга кўра, транспорт воситалари ҳайдовчиларининг йўл ҳаракати қоидаларини бузиши жабрланувчига анча миқдорда моддий зарар етказилишига олиб келган ҳолларда ЙТҲда иштирок этган ҳайдовчилар томонидан ЙТҲ тўғрисида хабарнома тузилган тақдирда ҳайдовчи жавобгарликка тортилмаслиги белгиланди.


     Манба: Ахборот  хизмати


Бириктирилган хужжатлар:
Биз билан боғланиш