Asosiy menu

13.05.2022 - Компаниянинг бўлинмаларида коррупцияга қарши комплаенс-назорат тизими ҳақида батафсил тушунчалар бериш бўйича ишлар давом эттирилмоқда >>> | 11.05.2022 - Биласизми?.. >>> | 09.05.2022 - 9 МАЙ — Хотира ва қадрлаш куни! >>>

Умумий маълумотлар

      «KAFOLAT sug'urta kompaniyasi» AJ 1997 йил 14 мартда ташкил топган бўлиб, ўз фаолиятини Ўзбекистон Республикаси Президентининг 2017 йил 9 октябрдаги «Кафолат суғурта компанияси» акциядорлик жамияти фаолиятини такомиллаштириш чора-тадбирлари тўғрисида»ги ПҚ-3317-сонли қарорига мувофиқ амалга ошириб келмоқда.

     Мамлакатимизда бугунги кунда 40 дан ортиқ суғурта компаниялари фаолият кўрсатмоқда. Шулардан  «KAFOLAT sug’urta kompaniyasi» AJ мана қарийб 25 йил вақт мобайнида маҳаллий ва дунё суғурта бозорида ўз махсулотларини тақдим этиб, етакчи ўринларни эгаллаб келмоқда.

      Компаниянинг энг асосий вазифаси суғурта ҳодисалари юзага келганда мижозларга тез ва самарали хизмат кўрсатиш, суғурта шартномалари бўйича мижозлар олдидаги мажбуриятларни тезкор ҳамда сифатли бажаришдан иборатдир.

     «KAFOLAT sug’urta kompaniyasi» AJ ҳудудий тармоғи 215 тадан иборат бўлиб, у 15 та филиал, 60 та бўлим ва 140 та суғурта марказларини ўз ичига олади.

     «KAFOLAT sug'urta kompaniyasi» AJ, мана 25 йилдирки,  суғурта бозорининг профессионал иштирокчиси сифатида мазкур ислоҳотлар ижросида ўзининг фаоллигини кўрсатиб келмоқда.

     Ушбу давр мобайнида компания компания суғуртага бўлган ишончни мустаҳкамлаш ва мижозларга қулайликлар яратиш мақсадида, жаҳон суғурта бозорининг босиб ўтган йўли ва Ўзбекистон суғурта бозорида тўпланган тажрибага асосланиб доимий тарзда республика ижтимоий-иқтисодий ҳаётини барқарорлаштиришда ва халқимиз яшаш фаровонлигини янада оширишда ўзининг муносиб улушини қўшиб, суғурта бозорининг профессионал иштирокчилари ва уларнинг бирлашмалари, давлат бошқарув органлари ва бошқа тегишли ташкилотлар билан бирга қатор чора-тадбирларни амалга ошириб келмоқда.

     Ҳозирда компания томонидан аҳоли ҳамда юридик шахсларга ҳар томонлама қулай, пасайтирувчи коэффициентларни ўз ичига олган ва ҳар томоннинг манфаатларига тўлиқ мос келувчи суғурта хизматлари таклиф этилмоқда. Чет эл тажрибаси ва Ўзбекистон суғурта бозорида шаклланган тажрибалардан фойдаланиб ҳамда аҳоли ва хўжалик юритувчи субъектларнинг эҳтиёжларидан ва бозор талабидан келиб чиққан ҳолда янги замонавий суғурта турлари ишлаб чиқилмоқда. Шу билан бирга, мавжуд суғурта турлари доимий равишда  такомиллаштириб борилмоқда.

     "KAFOLAT sug'urta kompaniyasi" AJ барча турдаги суғурта хизматларини тақдим этади. Компания мижозларининг молиявий манфаатларини комплекс ҳимоя қилишда Ўзбекистон Республикаси Молия Вазирлиги томонидан умумий суғурта соҳасидаги барча 17 та класслар бўйича берилган лицензияси, 117 дан ортиқ мажбурий ва ихтиёрий суғурта турлари бўйича хизмат кўрсатиш имконини беради.

Тизимнинг ислоҳ қилинишини таъминлаш мақсадида, "KAFOLAT sug'urta kompaniyasi" AJ томонидан мамлакатда бозор иқтисодиётини шакллантириш доирасида ривожланишнинг асосий йўналишларини ишлаб чиқиб, бунда андеррайтинг ва инвестиция сиёсатига алоҳида эътибор берган тарзда аҳоли ўртасида суғурта фаолиятини ривожлантиришга муҳим эътиборни қаратди.

     Компаниянинг асосий эътибори инвестицион фаолиятни такомиллаштириш ва капиталлашувни ошириш, иқтисодиётнинг устувор йўналишларида ишлаб чиқариш жараёнларини модернизация қилишда суғуртавий ҳимояни таклиф қилиш ҳамда аҳоли ва ташкилотларга хизмат кўрсатиш сифатини оширишга қаратилган.

     Компания томонидан халқаро ва ички қайта суғурта бозорларининг ривожланиш тенденцияларини ўрганиш ва таҳлил қилишга катта эътибор қаратилади.

     Бугунги кунда компания «Abu Dhabi National Insurance Company», «Oman Insurance Company», «Insurance House» (БАА), «Polish RE» (Польша), Lloyd`s Syndicate Canopius (CNP 4444), «Direct Insurance London Market Plc» (Буюк Британия), «Скор Перестрахование», САО «ВСК» (Россия), «Нефтяная страховая компания» АЖ (Казахстан), «Barents Reinsurance SA» (Люксембург), «Ace Insurance Pvt. Ltd.» (Ҳиндистон) каби хорижий қайта суғурта компаниялари билан ҳамкорлик шартномаларига эга.

     Компания ҳаётни суғурталаш компанияси «Kafolat Hаyot Insurance» АЖ ва «My Аssist» МЧЖ ассистанс хизмати кўрсатувчи компанияларнинг ягона таъсисчиси ҳисобланади.

     Бугунги кунда "KAFOLAT sug'urta kompaniyasi" AJ юқори сифатли хизмат кўрсатувчи, барқарор ўсиш кўрсаткичлари, кенг минтақавий ва агентлик тармоғи, суғурта бозорида етакчи ўриндаги, инновацион ва IT технологияларини қўллаб, таваккалчиликларни қайта суғурталаш тизимини яхши йўлга қўйган, бенуқсон иш обрўси ва юқори потенциалга эга бўлган кадрлардан иборат, жараёндаги ва барқарор бизнесга эга.

     Айтиш жоизки, компаниянинг ривожланишида фидокорона хизмат қилиб келаётган профессионал жамоа ўз мижозлари олдидаги мажбуриятларини тўлиқ ва сифатли бажариш орқали ижтимоий йўналтирилган Ўзбекистон иқтисодиётига муносиб ҳисса қўшишдан ҳеч ҳам чарчамайди.

     Биз доимо Сиз билан бирга!

"KAFOLAT sug‘urta kompaniyasi" AJ хизматларидан фойдаланишни таклиф этамиз:                                                                        

Сайт (http://kafolat.uz/)

Телеграм (https://t.me/kafolat_sugurta)  

Фейсбук  (https://www.facebook.com/kafolat.insurance)

Инстаграм (https://www.instagram.com/kafolat_sugurta_kompaniyasi_aj/

 
Биз билан боғланиш